Gold Silver Price Hike: મજબૂત વૈશ્વિક વલણો અને નબળા ડોલરને પગલે સોમવારે રાષ્ટ્રીય રાજધાની દિલ્હી ખાતે ચાંદીના ભાવમાં છ ટકાથી વધારે ઉછાળો આવ્યો હતો અને ભાવ રૂપિયા 2.72 લાખ પ્રતિ કિલો થઈ ગયા હતા. જ્યારે સોનું આશરે એક ટકા વધી રૂપિયા 1.58 લાખ પ્રતિ દસ ગ્રામ થયું હતું.
સ્થાનિક વેપારીઓના જણાવ્યા પ્રમાણે ચાંદીનો ભાવ શુક્રવારના રૂપિયા 2,55,000 પ્રતિ કિલોગ્રામના બંધ ભાવથી રૂપિયા 17,000 અથવા 6.66 ટકા વધીને રૂપિયા 2,72,000 પ્રતિ કિલોગ્રામ થયો છે. 99.9 ટકા શુદ્ધતા ધરાવતું સોનું રૂપિયા 1,300 અથવા 0.83 ટકા વધીને રૂપિયા 1,58,500 પ્રતિ 10 ગ્રામ થયું છે.
સોના અને ચાંદીના વધતા ભાવ અંગે નિષ્ણાતો શું કહે છે?
પાછલા સત્રમાં તે 10 ગ્રામ દીઠ રૂપિયા 1,57,200 પર બંધ થયો (Gold Silver Price Hike) છે. HDFC સિક્યોરિટીઝના સિનિયર એનાલિસ્ટ (કોમોડિટીઝ) સૌમિલ ગાંધીએ જણાવ્યું હતું કે ડોલરમાં ઘટાડો અને સટ્ટાકીય ખરીદીને કારણે સોમવારે સોનાના ભાવમાં વધારો થયો હતો. ડોલર ઇન્ડેક્સ 97 પર ટ્રેડ થઈ રહ્યો છે જે લગભગ 0.30 ટકા ઘટીને બુલિયનના ભાવને ટેકો આપી રહ્યો છે.
તેમણે કહ્યું કે વ્યાપક વૈશ્વિક મેક્રોઇકોનોમિક અનિશ્ચિતતા અને ભૂરાજકીય અને ટેરિફ સંબંધિત મુદ્દા પર રાષ્ટ્રપતિ ડોનાલ્ડ ટ્રમ્પના વારંવાર અને સતત નિવેદનને કારણે સલામત-સ્વર્ગ સંપત્તિ તરીકે કિંમતી ધાતુઓની માંગમાં વધારો થયો છે.
આંતરરાષ્ટ્રીય બજારમાં સોના અને ચાંદીની સ્થિતિ કેવી હતી?
આંતરરાષ્ટ્રીય બજારમાં, હાજર ચાંદી 2.19 ડોલર અથવા 2.81 ટકા વધીને 80.21 ડોલર પ્રતિ ઔંસ થઈ ગઈ, જ્યારે સોનાનો ભાવ એક ટકા વધીને 5,012.94 ડોલર પ્રતિ ઔંસ થયો છે.