Pan Card New Rules: પાન કાર્ડના નિયમોમાં મોટો ફેરફાર, હવે માત્ર આધાર કાર્ડથી કામ નહીં ચાલે; જાણો શું બદલાયું?

Pan Card New Rules 2026: કેન્દ્ર સરકાર દ્વારા 1 એપ્રિલ, 2026 થી પાન કાર્ડ (PAN) ને લગતા નિયમોમાં પરિવર્તન કરવામાં આવ્યું છે. નવા નિયમો અનુસાર, હવે માત્ર આધાર કાર્ડના આધારે પાન કાર્ડ જારી કરવામાં આવશે નહીં. ઓળખની ચકાસણીને વધુ સખત બનાવવા અને કરચોરી રોકવા માટે સરકારે દસ્તાવેજીકરણની પ્રક્રિયામાં મહત્વના ફેરફારો કર્યા છે.

નવા ફોર્મ અને દસ્તાવેજોની જરૂરિયાત

નવી વ્યવસ્થા હેઠળ, પાન કાર્ડ માટેના જૂના ફોર્મ બદલી દેવામાં આવ્યા છે. હવે ભારતીય નાગરિકો અને સ્થાનિક કંપનીઓએ Form 49A ને બદલે Form 93 ભરવાનું રહેશે. તેવી જ રીતે, બિન-નિવાસી ભારતીયો (NRIs) માટે Form 49AA ના સ્થાને Form 95 અમલમાં આવ્યું છે.

મુખ્ય ફેરફારો:

નામમાં એકરૂપતા: પાન કાર્ડ પરનું નામ આધાર કાર્ડમાં નોંધાયેલા નામ સાથે અક્ષરશઃ (Exact) મેળ ખાતું હોવું જોઈએ. જો નામમાં સહેજ પણ તફાવત હશે, તો અરજી નામંજૂર થઈ શકે છે.
DOB પુરાવો ફરજિયાત: હવે જન્મ તારીખ (Date of Birth) માટે માત્ર આધાર પર નિર્ભર રહી શકાશે નહીં. અરજદારે નીચેનામાંથી કોઈ પણ એક દસ્તાવેજ પુરાવા તરીકે આપવો પડશે:

• જન્મ પ્રમાણપત્ર અથવા ધોરણ 10 ની માર્કશીટ
• મતદાર ઓળખ પત્ર (Voter ID)
• ડ્રાઇવિંગ લાઇસન્સ અથવા પાસપોર્ટ
• મેજિસ્ટ્રેટ દ્વારા જારી કરાયેલ સોગંદનામું

નાણાકીય વ્યવહારોની મર્યાદામાં સુધારો

સરકારે રોકડ વ્યવહારો અને મિલકતની ખરીદી માટે પાન કાર્ડની અનિવાર્યતાની મર્યાદામાં પણ ફેરફાર કર્યા છે:

પાન કાર્ડ માટે અરજી કરવાની સ્ટેપ-બાય-સ્ટેપ પ્રક્રિયા

• NSDL અથવા UTIITSL ની સત્તાવાર વેબસાઇટ પર જાઓ.
• તમારી શ્રેણી મુજબ Form 93 અથવા Form 95 પસંદ કરો.
• નામ, જન્મ તારીખ, મોબાઈલ નંબર અને ઈમેઈલ આઈડી જેવી વ્યક્તિગત માહિતી સચોટ રીતે ભરો.
• ઓળખ ચકાસણી માટે તમારી આધાર વિગતો દાખલ કરો.
• આધાર કાર્ડની સાથે જન્મ તારીખનો માન્ય પુરાવો સ્કેન કરીને અપલોડ કરો.
• નિયત ઓનલાઈન પ્રોસેસિંગ ફી ભરો.
• અરજી સબમિટ કર્યા બાદ મળેલ 'એકનોલેજમેન્ટ નંબર' સાચવી રાખો, જેના દ્વારા તમે સ્ટેટસ ટ્રેક કરી શકશો.