Bank of Baroda Apprentice Recruitment 2026: બેંકિંગ ક્ષેત્રમાં કરિયર બનાવવાની ઈચ્છા રાખતા યુવા સ્નાતકો માટે સુવર્ણ તક આવી છે. ભારતની સૌથી મોટી જાહેર ક્ષેત્રની બેંકોમાંની એક, બેંક ઓફ બરોડા (BOB) દ્વારા ગ્રેજ્યુએટ એપ્રેન્ટિસની 5,000 જગ્યાઓ માટે ભરતી બહાર પાડવામાં આવી છે. આ ભરતી પ્રક્રિયા અંતર્ગત ઓનલાઈન નોંધણી કરવાની છેલ્લી તારીખ 8 જૂન 2026 છે. રસ ધરાવતા ઉમેદવારો સત્તાવાર વેબસાઇટ bankofbaroda.bank.in પર જઈને અંતિમ તારીખ પહેલાં અરજી ફોર્મ સબમિટ કરી શકે છે.
BOB એપ્રેન્ટિસ 2026: મહત્વપૂર્ણ તારીખો અને વિગતો
| વિગતો | માહિતી |
| સંસ્થા | બેંક ઓફ બરોડા (BOB) |
| પોસ્ટનું નામ | ગ્રેજ્યુએટ એપ્રેન્ટિસ (એપ્રેન્ટિસ એક્ટ 1961 હેઠળ) |
| કુલ ખાલી જગ્યાઓ | 5,000 |
| ખાલી જગ્યાઓનું વિતરણ | વિવિધ રાજ્યોમાં |
| અરજી કરવાની છેલ્લી તારીખ | 8 જૂન 2026 |
| સત્તાવાર વેબસાઇટ | bankofbaroda.bank.in |
પાત્રતાના માપદંડ (Eligibility Criteria)
- વય મર્યાદા: 1 મે 2026ના રોજ ઉમેદવારની ઉંમર ઓછામાં ઓછી 20 વર્ષ અને મહત્તમ 28 વર્ષ હોવી જોઈએ. સરકારી નિયમો અનુસાર SC, ST, OBC અને PWD ઉમેદવારોને વય મર્યાદામાં છૂટછાટ આપવામાં આવશે.
- શૈક્ષણિક લાયકાત: માન્યતા પ્રાપ્ત યુનિવર્સિટીમાંથી કોઈપણ પ્રવાહમાં સ્નાતક (Graduation) ની ડિગ્રી મેળવેલી હોવી જોઈએ.
- પોર્ટલ નોંધણી: બેંકમાં અરજી કરતા પહેલાં ઉમેદવારે NATS (નેશનલ એપ્રેન્ટિસશીપ ટ્રેનિંગ સ્કીમ) અથવા NAPS (નેશનલ એપ્રેન્ટિસશીપ પ્રમોશન સ્કીમ) પોર્ટલ પર નોંધણી કરાવી સક્રિય હોવું અનિવાર્ય છે.
કયા રાજ્યમાં કેટલી જગ્યા?
| રાજ્ય | જગ્યા |
| ગુજરાત | 960 |
| આંદામાન અને નિકોબાર | 1 |
| આંધ્રપ્રદેશ | 188 |
| અરુણાચલ પ્રદેશ | 4 |
| આસામ | 29 |
| બિહાર | 179 |
| ચંદીગઢ | 4 |
| છત્તીસગઢ | 122 |
| દાદરા નગર હવેલી, દમણ, દીવ | 7 |
| દિલ્હી | 91 |
| ગોવા | 29 |
| હરિયાણા | 84 |
| હિમાચલ પ્રદેશ | 8 |
| જમ્મુ અને કાશ્મીર | 2 |
| ઝારખંડ | 64 |
| કર્ણાટક | 483 |
| કેરળ | 111 |
| લદ્દાખ | 2 |
| મધ્ય પ્રદેશ | 136 |
| મહારાષ્ટ્ર | 580 |
| મણિપુર | 1 |
| મેઘાલય | 4 |
| મિઝોરમ | 2 |
| નાગાલેન્ડ | 3 |
| ઓડિશા | 92 |
| પોંડિચેરી | 4 |
| પંજાબ | 78 |
| રાજસ્થાન | 412 |
| સિક્કિમ | 1 |
| તમિલનાડુ | 199 |
| તેલંગાણા | 83 |
| ત્રિપુરા | 3 |
| ઉત્તર પ્રદેશ | 764 |
| ઉત્તરાખંડ | 76 |
| પશ્ચિમ બંગાળ | 194 |
| કુલ | 5000 |
સ્ટાઇપેન્ડનું માળખું (Stipend Structure)
આ 1 વર્ષના તાલીમ કાર્યક્રમ દરમિયાન પસંદગી પામેલા ઉમેદવારોને માસિક સ્ટાઇપેન્ડ આપવામાં આવશે. સ્ટાઇપેન્ડની રકમ ઉમેદવારોના પોસ્ટિંગના વિસ્તારના આધારે નક્કી કરવામાં આવી છે:
અરજી ફી
બેંક ઓફ બરોડા દ્વારા વિવિધ કેટેગરીના ઉમેદવારો માટે અલગ-અલગ અરજી ફી નક્કી કરવામાં આવી છે. SC, ST અને દિવ્યાંગ (PwBD) ઉમેદવારોને ₹200 સાથે લાગુ પડતો GST ચૂકવવાનો રહેશે. જ્યારે જનરલ, EWS અને OBC શ્રેણીના પુરુષ ઉમેદવારો માટે અરજી ફી ₹800 + GST રાખવામાં આવી છે. જનરલ, EWS અને OBC શ્રેણીની મહિલા તેમજ ટ્રાન્સજેન્ડર ઉમેદવારોને ₹600 + GST ફી ભરવાની રહેશે.
પસંદગી પ્રક્રિયા અને પરીક્ષાની પેટર્ન
બેંક ઓફ બરોડા એપ્રેન્ટિસ પ્રોગ્રામમાં સ્થાન મેળવવા માટે ઉમેદવારોએ કમ્પ્યુટર આધારિત ઓનલાઈન લેખિત પરીક્ષા આપવાની રહેશે. આ પરીક્ષા પાસ કર્યા બાદ સ્થાનિક ભાષા પ્રાવીણ્ય (Local Language Proficiency) ની ચકાસણી કરવામાં આવશે.
60 મિનિટના સમયગાળાની આ ઓનલાઈન પરીક્ષામાં 4 મુખ્ય વિભાગોમાંથી પ્રશ્નો પૂછવામાં આવશે, જેનું માળખું નીચે મુજબ છે:
- સામાન્ય અને નાણાકીય જાગૃતિ: 25 પ્રશ્નો (25 ગુણ)
- માપન અને તર્કસંગતતા (Quantitative & Reasoning): 25 પ્રશ્નો (25 ગુણ)
- કમ્પ્યુટર જ્ઞાન: 25 પ્રશ્નો (25 ગુણ)
- સામાન્ય અંગ્રેજી: 25 પ્રશ્નો (25 ગુણ)
- કુલ ગુણ: 100 પ્રશ્નો (100 ગુણ)
અરજી કરવાની પ્રક્રિયા
- સૌપ્રથમ બેંક ઓફ બરોડાની સત્તાવાર વેબસાઇટ https://bankofbaroda.bank.in/ પર જાઓ.
- હોમપેજ પર ઉપલબ્ધ 'Local Bank Officer Recruitment 2025' લિંક પર ક્લિક કરો.
- ત્યારબાદ ખુલેલા પેજમાં 'Current Openings' વિભાગ પસંદ કરો.
- અહીં 'Apply Online' વિકલ્પ પર ક્લિક કરો.
- જરૂરી વિગતો દાખલ કરીને રજિસ્ટ્રેશન પ્રક્રિયા પૂર્ણ કરો.
- અરજી ફોર્મ કાળજીપૂર્વક ભરી જરૂરી દસ્તાવેજો અપલોડ કરો.
- નિર્ધારિત અરજી ફી ઓનલાઈન ચૂકવો.
- અંતમાં ફોર્મ સબમિટ કરીને તેની પ્રિન્ટઆઉટ ભવિષ્યના ઉપયોગ માટે સાચવી રાખો.
અરજી કરવા માટેની સીધી લિંક: BOB Apprentice Program 2026