Indori Poha Recipe: ઇન્દોર અને ભોપાલ સહિત સમગ્ર મધ્યપ્રદેશમાં 'ઈન્દોરી પોહા' એક લોકપ્રિય અને સ્વાદિષ્ટ નાસ્તો છે. તેની ખરી મજા તેના ખાટા-મીઠા સ્વાદ, ખાસ જીરાવન મસાલા અને ઉપરથી ભભરાવવામાં આવતી સેવ-દાડમના દાણામાં છે. ઘણીવાર લોકો ઘરે ઈન્દોરી પોહા બનાવવામાં ભૂલ કરે છે, પણ જો તમે યોગ્ય રીત અપનાવશો તો બજાર જેવો જ ટેસ્ટ મિનિટોમાં ઘરે મળી જશે. ચાલો જાણીએ ઘરે જ બજાર જેવા ટેસ્ટી ઈન્દોરી પોહા બનાવવાની એકદમ સરળ અને પરફેક્ટ રેસીપી:
આ પણ વાંચો
જરૂરી સામગ્રી
- ૨ કપ જાડા પોહા
- ૧ બારીક સમારેલી ડુંગળી
- ૧/૪ કપ શેકેલી મગફળી
- ૫-૬ કઢી પત્તા
- લીંબુ
- દાડમના દાણા
- મગફળી
- ઝીણી સેવ
- કોથમીર
- તેલ
- રાઈ
- જીરું
- હળદર
- વરિયાળી
- જીરું
- તજનો ટુકડો
- કાળા મરી
- લવિંગ
- તમાલપત્ર
- જાયફળ
- સૂંઠ પાઉડર
- આમચૂર પાઉડર
- સંચળ
- લાલ મરચું
- હિંગ અને ખાંડ
બનાવવાની સરળ રીત
- સૌ પ્રથમ, પોહાને એક ચાળણીમાં લો અને પાણીથી બરાબર ધોઈ લો.
- તેનું બધું જ વધારાનું પાણી નિતારી લો અને પોહાને 10-15 મિનિટ માટે બાજુ પર રહેવા દો જેથી તે સરસ સોફ્ટ થઈ જાય.
- હવે એક પેનમાં વરિયાળી, જીરું, આખા ધાણા, તજ, કાળા મરી, લવિંગ, તમાલપત્ર અને જાયફળને ધીમા તાપે ડ્રાય શેકી લો.
- મસાલા ઠંડા થાય એટલે તેને મિક્સર જારમાં લો. તેમાં આમચૂર પાવડર, સંચળ, તીખું અને કાશ્મીરી લાલ મરચું, હિંગ, સૂંઠ પાવડર અને થોડી ખાંડ ઉમેરીને પાવડર પીસી લો.
- ઇન્દોરી પોહાનો જીવ ગણાતો જીરાવન મસાલો તૈયાર છે.
- પછી પલાળેલા પોહામાં થોડી હળદર અને સ્વાદ મુજબ મીઠું નાખી હળવા હાથે મિક્સ કરો.
- હવે એક કડાઈમાં તેલ ગરમ કરી તેમાં રાઈ, જીરું, વરિયાળી, કઢી પત્તા, લીલા મરચાં અને હિંગનો વઘાર કરો. આ વઘારને પોહા પર રેડીને બરાબર મિક્સ કરી લો.
- ઇન્દોરી પોહા ક્યારેય સીધા કડાઈમાં પકાવાતા નથી. એક મોટા વાસણમાં પાણી ઉકાળો અને તેના પર પોહાવાળી ચાળણી મૂકીને તેને વરાળથી ૫-૭ મિનિટ માટે બાફી લો.
- આનાથી પોહા એકદમ સોફ્ટ અને ગરમાગરમ રહેશે.
- તૈયાર થયેલા ગરમાગરમ પોહાને પ્લેટમાં કાઢો. તેની ઉપર તૈયાર કરેલો જીરાવન મસાલો ભભરાવો.
- ત્યારબાદ તેના પર લીંબુનો રસ, સમારેલી કાચી ડુંગળી, શેકેલી મગફળી, દાડમના દાણા, લીલી કોથમીર અને ઢગલાબંધ ઇન્દોરી સેવ અથવા રતલામી સેવ નાખીને ગરમાગરમ જલેબી સાથે સર્વ કરો.