PM Kisan 23rd Installment: દેશના કરોડો અન્નદાતાઓ અને ખેડૂત પરિવારો માટે એક ખૂબ જ મહત્વના અને આનંદના સમાચાર સામે આવ્યા છે. પ્રધાનમંત્રી કિસાન સન્માન નિધિ યોજના અંતર્ગત ખેડૂતોને આર્થિક સહાય પૂરી પાડવા માટે સરકાર દ્વારા આગામી હપ્તાની તારીખ જાહેર કરી દેવામાં આવી છે. આ સરકારી જાહેરાત અનુસાર, આગામી 20 જૂનના રોજ દેશના લાયક ખેડૂતોના બેંક ખાતામાં ડાયરેક્ટ બેનિફિટ ટ્રાન્સફર (DBT) માધ્યમથી ₹2000 જમા કરવામાં આવશે. આ વખતે સરકાર દ્વારા પીએમ કિસાન યોજનાનો 23મો હપતો જાહેર કરવામાં આવ્યો છે, જે મેળવવા માટે ખેડૂતો લાંબા સમયથી રાહ જોઈ રહ્યા હતા.
ખેતીના ખર્ચમાં મળશે મોટી રાહત
પીએમ કિસાન સન્માન નિધિ એ કેન્દ્ર સરકારની એક અત્યંત મહત્વકાંક્ષી અને સફળ યોજના છે. આ યોજના હેઠળ ખેડૂતોને વાર્ષિક કુલ ₹6000ની આર્થિક સહાય ત્રણ સમાન હપ્તામાં (₹2000 લેખે) આપવામાં આવે છે. વર્તમાન સમયમાં જ્યારે ચોમાસાની સીઝન શરૂ થઈ રહી છે અને ખેડૂતો વાવણીના કામોમાં વ્યસ્ત છે, ત્યારે બરાબર આ જ સમયે ખાતામાં ₹2000ની રકમ આવવાથી તેમને બિયારણ, ખાતર અને ખેતીના અન્ય સાધનો ખરીદવામાં મોટી મદદ મળી રહેશે.
ઓનલાઈન સ્ટેટસ કેવી રીતે ચેક કરવું?
તમારા ખાતામાં પૈસા આવશે કે નહીં અથવા તમારું નામ આ યાદીમાં સામેલ છે કે નહીં, તેની સંપૂર્ણ વિગતો તપાસવા માટે ખેડૂતોએ સરકારી પ્રક્રિયા અનુસરવી પડશે. ખેડૂતો યોજનાની સત્તાવાર વેબસાઇટ pmkisan.gov.in પર જઈને પોતાનું સ્ટેટસ ખૂબ જ સરળતાથી ચેક કરી શકે છે.
સ્ટેટસ ચેક કરવાની રીત
- સૌથી પહેલા પીએમ કિસાનની સત્તાવાર વેબસાઇટ પર જાઓ.
- ત્યાં હોમ પેજ પર આપેલા 'Beneficiary Status' (લાભાર્થી સ્થિતિ) વિકલ્પ પર ક્લિક કરો.
- ત્યારબાદ તમારો રજીસ્ટ્રેશન નંબર અથવા મોબાઈલ નંબર દાખલ કરો.
- કેપ્ચા કોડ સબમિટ કરતાની સાથે જ સ્ક્રીન પર હપ્તાની વિગતો જોવા મળશે.
e-KYC કરાવવું ફરજિયાત
સરકારના નિયમો મુજબ, જે ખેડૂતોએ હજુ સુધી પોતાનું e-KYC પૂર્ણ કર્યું નથી અથવા જેમના બેંક ખાતા સાથે આધાર કાર્ડ લિંક નથી, તેમને આ 23મો હપ્તો મેળવવામાં મુશ્કેલી પડી શકે છે. તેથી, 20 જૂન પહેલાં તમામ જરૂરી પ્રક્રિયાઓ પૂર્ણ કરી લેવા માટે પણ વહીવટી તંત્ર દ્વારા ખેડૂતોને અપીલ કરવામાં આવી છે. ખેડૂતો નજીકના કોમન સર્વિસ સેન્ટર (CSC) પર જઈને અથવા પીએમ કિસાન એપ દ્વારા પણ ઘેર બેઠા e-KYC કરી શકે છે.