Vivo X Fold 6: જો તમે ટૂંક સમયમાં કોઈ પ્રીમિયમ ફોલ્ડેબલ સ્માર્ટફોન ખરીદવાનું વિચારી રહ્યા છો, તો તમારે થોડી રાહ જોવી ફાયદાકારક સાબિત થઈ શકે છે. સ્માર્ટફોન નિર્માતા કંપની Vivo આ મહિને ચીનમાં તેનો આગામી ફ્લેગશિપ ફોલ્ડેબલ ફોન Vivo X Fold 6 લોન્ચ કરવાની જોરશોરથી તૈયારી કરી રહ્યું છે. પ્રખ્યાત ટિપસ્ટર "ડિજિટલ ચેટ સ્ટેશન" એ ચાઇનીઝ સોશિયલ મીડિયા પ્લેટફોર્મ Weibo પર આ ફોનની મુખ્ય વિગતો લીક કરી છે, જે સ્માર્ટફોન પ્રેમીઓમાં ભારે ઉત્સુકતા જગાવી રહી છે.
અહેવાલો અનુસાર, Vivo X Fold 6 માં અત્યાર સુધીના સૌથી શક્તિશાળી ફ્લેગશિપ ફીચર્સ જોવા મળી શકે છે. ચાલો જાણીએ આ ફોનની અપેક્ષિત સુવિધાઓ વિશે:
પાવરફુલ પ્રોસેસર અને વિશાળ બેટરી
આ નવો ફોલ્ડેબલ ફોન મીડિયાટેક કંપનીના અત્યંત આધુનિક અને ફ્લેગશિપ ડાયમેન્સિટી 9500 ચિપસેટ દ્વારા સંચાલિત હોવાની અપેક્ષા છે. આ પ્રોસેસર ફોનને સુપરફાસ્ટ સ્પીડ અને ઉત્તમ ગેમિંગ પર્ફોર્મન્સ આપશે. સૌથી આકર્ષક બાબત એ છે કે, આ ફોનમાં 7,000mAh ની વિશાળ બેટરી હોવાની શક્યતા છે. આટલી મોટી બેટરી ક્ષમતા ધરાવતો આ દુનિયાનો અનોખો ફોલ્ડેબલ સ્માર્ટફોન બની શકે છે. આશ્ચર્યની વાત એ છે કે મોટી બેટરી હોવા છતાં, કંપની આ ફોનને અદભૂત રીતે પાતળો અને હલકો રાખશે.
અદભૂત કેમેરા સેટઅપ
ફોટોગ્રાફીના શોખીનો માટે આ ફોન કોઈ વરદાનથી ઓછો નહીં હોય. આ સ્માર્ટફોનના પાછળના ભાગમાં ટ્રિપલ કેમેરા સેટઅપ જોવા મળી શકે છે: મુખ્ય કેમેરા 200-મેગાપિક્સલનો પ્રાઇમરી સેન્સર,ટેલિફોટો કેમેરા 50-મેગાપિક્સલનો પેરિસ્કોપ લેન્સ, અલ્ટ્રા-વાઇડ કેમેરો 50-મેગાપિક્સલનો અલ્ટ્રા-વાઇડ-એંગલ લેન્સ હશે.
આ હાઇ-એન્ડ કેમેરા સેટઅપની મદદથી યુઝર્સ અલ્ટ્રા-ક્લિયર ફોટા અને શાનદાર ઝૂમિંગ પર્ફોર્મન્સનો આનંદ માણી શકશે. સુરક્ષા માટે આ ફોલ્ડેબલ ઉપકરણમાં સાઇડ-માઉન્ટેડ ફિંગરપ્રિન્ટ સેન્સર આપવામાં આવી શકે છે.
ક્યારે થશે લોન્ચ?
Vivo X Fold 6 આ મહિનાના અંત સુધીમાં સૌથી પહેલા ચીનના બજારમાં રજૂ થઈ શકે છે. જો કે, તેની કિંમત અને વૈશ્વિક લોન્ચિંગ અંગેની બાકીની સત્તાવાર વિગતો આગામી દિવસોમાં જ સામે આવશે. ફોલ્ડેબલ માર્કેટમાં આ ફોન અન્ય બ્રાન્ડ્સ માટે મોટો પડકાર સાબિત થશે.