હાલમાં કેરીની મોસમ ચાલી રહી છે અને દુનિયાભરના લોકો આ ફળને ખૂબ જ પસંદ કરે છે. બજારમાં કેરીની ખૂબ માંગ છે અને તેથી જ તેને કેમિકલ વડે પકવવામાં આવે છે.
કુદરતી રીતે પાકેલી કેરી માત્ર સ્વાદિષ્ટ જ નથી પણ સ્વાસ્થ્ય માટે પણ ફાયદાકારક છે, પરંતુ કેરીને ઝડપથી પકવવા માટે, તેને કેલ્શિયમ કાર્બાઇડનો ઉપયોગ કરીને પકવવામાં આવે છે, જેના ઘણા ગેરફાયદા છે.
આ એક એવું રસાયણ છે જે ફળોની અંદર ગરમી ઉત્પન્ન કરે છે, જેના કારણે તે ઝડપથી પાકવા લાગે છે. આ રસાયણ ઇથિલ નામનો ગેસ ઉત્પન્ન કરે છે, જે ઘણી સ્વાસ્થ્ય સમસ્યાઓનું કારણ બની શકે છે.
કેલ્શિયમ કાર્બાઇડથી પાકેલી કેરી ખાવાથી તમારા લીવર અને કિડની પર ખરાબ અસર પડી શકે છે.
કેલ્શિયમ કાર્બાઇડથી પાકેલી કેરી ખાવાથી વારંવાર તરસ લાગવી, ખોરાક ગળવામાં તકલીફ થવી, નબળાઈ લાગવી અને ડિહાઇડ્રેશનને કારણે ચક્કર આવવા જેવી સમસ્યાઓ થઈ શકે છે.
કેલ્શિયમ કાર્બાઇડથી પાકેલા કેરી કે કોઈપણ ફળો ખાવાથી શ્વાસ લેવામાં તકલીફ જેવી શ્વસન સમસ્યાઓ થઈ શકે છે. ઉધરસ, છાતીમાં ઘરઘરાટ, શ્વસન માર્ગમાં બળતરા વગેરે સમસ્યા થઈ શકે છે.
કેલ્શિયમ કાર્બાઇડ એક એવું રસાયણ છે જે જો તમારા શરીરમાં લાંબા સમય સુધી રહે તો તે કેન્સરનું જોખમ વધારી શકે છે અને આજકાલ તેનો ઉપયોગ ઘણા ફળોને પકવવા માટે થઈ રહ્યો છે.