Stock Market Holiday: બકરી ઈદ (Eid-al-Adha) નિમિત્તે ભારતીય શેરબજારમાં આગામી દિવસોમાં ટ્રેડિંગ બંધ રહેવાનું છે. જો તમે સ્ટોક માર્કેટ, MCX અથવા NCDEX માં સક્રિય છો, તો ટ્રેડિંગ સેસન આયોજિત કરતા પહેલા રજાઓનું આ નવું શિડ્યુલ ખાસ નોંધી લેજો.
શેરબજારમાં આગામી રજા ક્યારે છે?
મે મહિનાના અંતિમ સપ્તાહમાં રોકાણકારો માટે ટ્રેડિંગના દિવસો ઓછા રહેશે. ગુરુવાર, 28 મે, 2026 ના રોજ બકરી ઈદના તહેવારને કારણે દેશના મુખ્ય સ્ટોક એક્સચેન્જો BSE અને NSE સંપૂર્ણપણે બંધ રહેશે. આ દિવસે ઈક્વિટી, ડેરિવેટિવ્ઝ અને સિક્યોરિટીઝ લેન્ડિંગ એન્ડ બોરોઇંગ સેગમેન્ટમાં કોઈ કામકાજ નહીં થાય. આ પહેલા ચાલુ મહિનાની શરૂઆતમાં 1લી મેના રોજ 'મહારાષ્ટ્ર દિવસ' નિમિત્તે પણ બજારમાં રજા હતી.
આ પણ વાંચો
MCX અને NCDEX માર્કેટનું ટાઈમિંગ
કોમોડિટી માર્કેટમાં ટ્રેડિંગ કરતા લોકો માટે 28 મેના રોજ નિયમો થોડા અલગ રહેશે:
MCX: અહીં સવારનું સત્ર બંધ રહેશે, એટલે કે સવારે કોઈ ટ્રેડિંગ નહીં થાય. જોકે, સાંજનું સત્ર નિયમિત સમય મુજબ શરૂ થશે, જેથી રોકાણકારો સાંજે ટ્રેડ કરી શકશે.
NCDEX: આ એગ્રી-કોમોડિટી એક્સચેન્જમાં બંને સત્રો સવાર અને સાંજ સંપૂર્ણપણે બંધ રાખવામાં આવશે.
વર્ષ 2026ની આગામી મુખ્ય રજાઓની યાદી
વર્ષ 2026 માટે કુલ 16 સત્તાવાર ટ્રેડિંગ હોલિડે નક્કી કરવામાં આવ્યા છે, જેમાંથી 8 રજાઓ પૂર્ણ થઈ ચૂકી છે. બકરી ઈદ પછી, બાકીના વર્ષ દરમિયાન બજાર આ દિવસોમાં બંધ રહેશે:
| ક્રમ | તહેવાર / પ્રસંગ | તારીખ અને દિવસ |
|---|---|---|
| 1 | મોહરમ | 26 જૂન, શુક્રવાર |
| 2 | ગણેશ ચતુર્થી | 14 સપ્ટેમ્બર, સોમવાર |
| 3 | મહાત્મા ગાંધી જયંતિ | 02 ઓક્ટોબર, શુક્રવાર |
| 4 | દશેરા | 20 ઓક્ટોબર, મંગળવાર |
| 5 | દિવાળી / બલી પ્રતિપદા | 10 નવેમ્બર, મંગળવાર |
| 6 | ગુરુ નાનક જયંતિ | 24,નવેમ્બર, મંગળવાર |
| 7 | નાતાલ (ક્રિસમસ) | 25 ડિસેમ્બર, શુક્રવાર |
આગામી ગુરુવારે માર્કેટ બંધ રહેવાના કારણે વીકલી એક્સપાયરીના દિવસોમાં ફેરફાર થઈ શકે છે, તેથી ટ્રેડર્સે પોતાના ઓપન પોઝિશનનું સંચાલન એ મુજબ અગાઉથી કરી લેવું હિતાવહ છે.