લાળ ગ્રંથિમાં કેન્સર એક દુર્લભ પરંતુ ગંભીર બીમારી છે. જે મોટાભાગે મોંઢાની અંદર ગાંઠ કે સોજા રૂપે શરૂ થાય છે અને પછી ધીમે-ધીમે આગળ વધે છે.
જો તમને મોંઢા કે ગળામાં વારંવાર દુખાવો, સોજો કે વિચિત્ર ગાંઠ જેવું લાગતું હોય, તો તે લાળ ગ્રંથિના કેન્સરનો સંકેત હોઈ શકે છે.
લાળ ગ્રંથિના કેન્સરમાં હંમેશા દર્દીને મોંઢામાંથી બ્લીડિંગ, ખોરાક ખાવામાં તકલીફ, બોલવામાં તકલીફ તેમજ અચાનક વજન ઉતરવા જેવી સમસ્યા થઈ શકે છે.
આ કેન્સર ધીમે-ધીમે શરીરના અન્ય ભાગોમાં પણ ફેલાઈ શકે છે. જે બાદ સારવાર અઘરી થઈ પડે છે. આથી સામાન્ય લક્ષણો દેખાવાની સાથે જ તબીબનો સંપર્ક સાધવો જરૂરી છે.
લાળ ગ્રંથિના કેન્સરથી બચવા માટે સ્મોકિંગ, દારૂની લત અને તમાકું જેવા વ્યસનથી દૂર રહેવું ખૂબ જ જરૂરી છે.
દરરોજ હેલ્ધી ડાયટ લેવી, પુષ્કળ પાણી પીવું તેમજ ઓરલ હાઈજીનનું ધ્યાન રાખવું, જેવા ઉપાયો અજમાવવાથી આ પ્રકારના કેન્સરથી બચવામાં મદદ મળી શકે છે.
મોંઢાની આસપાસ કોઈ અસામાન્ય ફેરફાર દેખાય કે કોઈ ગાંઠ ઉપસી હોય તેવું લાગે, તો તાત્કાલિક તબીબ પાસે તપાસ કરાવવી જોઈએ. જેનાથી ખતરો ટળી શકે છે.
દર 6 મહિને અથવા વર્ષમાં એકવાર ડેન્ટલ કે મેડિકલ ચેકઅપ કરાવવું જોઈએ. જે તમારા સ્વાસ્થ્યની સુરક્ષામાં અગત્યની ભૂમિકા ભજવી શકે છે. આ સાથે જ સમયાંતરે તબીબોની સલાહ લેવી જરૂરી છે.